مساحة إعلانية 728×90

المعالجة المحاسبية لتعويض شركة التأمين لخسائر حوادث السيارات



سياره مؤمن عليها وعملت حادثه وشركه التأمين عوضت الشركه عن الحادثه

هل يتم عمل مقاصه بين تعويض شركه التأمين وخسائر حادث السيارث ؟


وماهي قيود التسويه ؟


الاجابه من فقره رقم 66 من نص معيار الآلات والمعدات فقرتي ( أ ) و ( ج )

وفقا لنص الفقره 66 من ‎# معيار_ IAS16  تعامل على اساس كل حماده لوحده .. بمعنى تعامل مع كل قصه على انها موضوع منفصل تماما عن التاني ✋


  • 1- انك تثبت خسائر الاصل لوحده وفقا للنص (أ) من نفس الفقره وفقا ل معيار_IAS36



  • 2- وتثبت التعويض من الاطراف الثالثه عندما يُستحق التحصيل كإيرادات أخرى في قائمه الدخل وفقا للنص (ج) من نفس الفقره

لماذا ؟


  • ‏ هدف المعايير من الموضوع دا هو انه لو كانت القيمه الدفتريه للاصل مثلا ب 20 الف ريال ( ميهمنيش الأصل كان بكام او مجمعه كان بكام في مثالي حاليا  )  انا بقولك صافي قيمته .. المهم حصل حادثه .. المعيار قالك ارجع اثبت خسائر الانخفاض فورا في قائمه الدخل



  • ‏ ودا عن طريق انك تشوف هل القيمه الدفتريه ( 20 الف ) اكبر من القيمه المتوقع استردادها من قيمه الاصل ولا لأ .
     فمثلا لو كانت القيمه الاسترداديه للأصل ب 22  الف بعد الحادثه ( بفرض مثلاً ) في الحاله دي مش هتثبت اي خسائر لان القيمه المتوقع استردادها من الاصل أكبر من قيمته الدفتريه .



  • ‏ لكن لو كانت القيمه الاسترداديه ب 16 الف .. معناها انك خسرت في الاصل دا 4 آلاف  ( 16 - 20 ) ولازم تعترف بيها في الدخل


ملحوظه : القيمه الاسترداديه هي إختيار القيمه الأكبر من التالي
1- قيمه الاصل من بيعه - مصاريف التخلص منه
2- القيمه المتوقع الحصول عليها من استخدام الاصل


  • ‏ تعلا بقى للتعويض اللي حضرتك أخذته بشيك ولنفرض ان قيمه التعويض مثلا كانت 10 آلاف ريال .

    هل نقول في الحاله دي أنا كسبت من الحادثه 6 آلاف ريال

      واعمل مقاصه بين المكسب والخساره وأقول ( 10 آلاف من التعويض مطروح منها 4 آلاف خسائر الانخفاض في الأصول  طبعا مستحيل 😳!!



  • ‏ علشان كده المعيار قالك أثبت كل حماده لوحده


1- خسائر انخفاض أصول 4 آلاف .
2- ايرادات اخرى ب 10 آلاف .

وبكده انا كقارئ للقوائم الماليه اعرف انا خسرت في اصولي كام واخذت تعويض بكام .. لكن لو عملت مقاصه هتطلع الليله سمك لبن تمر هندي 😃  وهقدم معلومات مضلله

 قيود التسويه :


الاصل مثلا ب 60 ألف ومجمع الإهلاك مثلا ب 40 الف وبكده صافي القيمه الدفتريه ب 20 الف وفقا للمثال اللى فوق  ☝

1- أثبات خسائر الانخفاض في القيمه :


4000 من ح / خسائر الانخفاض( الاضمحلال ) في ارصده الاصول

                    4000 الى ح / مجمع خسائر الانخفاض في ارصده الاصول

الاصل في الميزانيه هيظهر وفقا للقيد السابق ب 16 الف ريال

( الاصل ب 60 الف مطروح منه 40 الف مجمع اهلاك مطروح منه 4 آلاف مجمع خسائر الانخفاض )
وبكده الاصل يكون ظاهر في الميزانيه وفقا للقيمه المتوقع استردادها زي ماوضحنا


2- أثبات الايرادات الأخرى عندما تستحق التحصيل مثلا ب 10 الاف


10 الاف من ح / النقديه

              10 الاف الى ح / الايرادات الأخرى - تعويضات



3- قيود اثبات اصلاحات السياره وصيانتها


دي لعبتك بقى وشوف هل الصيانه اللي هتعاملها دي هتعتبرها على انها مصروفات رأسماليه وترسملها على قيمه الأصل ( بشرط استبعاد اي مجمع اهلاك سابق للأجزاء المستبدله ان وجد ✋ ) ولا هتعتبرها مصروفات الصيانه على انها مصروفات ايراديه وتحملها على قائمه الدخل بإعتبارها مصروف فتره .


خلي بالك :👇



  • 1- لو الاصل كان ليه قيمه دفتريه متبقيه لم تهلك بالكامل  .. بالتالي لو كان هناك مصروفات رأسماليه هتضيفها على قيمه الاصل .. بالتالي هتعيد حساب الاهلاك وفقا للتكلفه الجديد  +  صافي القيمه الدفتريه السابقه المتبقيه عادي جدا .



  • 2- لو الاصل كان مهلك بالكامل .. بالتالي لو كان هناك مصروفات رأسماليه هتضيفها على قيمه الاصل .. هتحسب اهلاك للتكلفه الجديده ويك أنه يامؤمن اصل وبتهلكه من جديد عادي جدا 😅


  • 3- طيب لو كان مثلا محرك طائره وبيتهلك بشكل منفصل عن الطياره .. والمحرك لسه فاضل فيه قيمه دفتريه
( مثلا نقول باقي سنتين في عمره ) والمحرك دا اتحرق .
 في الحاله دي هتستبدل المحرك القديم بمحرك جديد .

 بس لازم حضرتك تقفل المجمع القديم للمحرك اللي اتحرق قبل ماتحسب اهلاك المحرك الجديد .. وشوف بقى هل هتستبعد المحرك القديم بالبيع وتشوف ساعتها هل فيه ارباح راسماليه ولا خسائر راسماليه ولا هتستبعده بالاحلال .

ساعتها القيمه الدفتريه المتبقيه كلها هتبقى خسائر راسماليه .. 👉 فقره (ب) من الفقره 66






المصدر " اكاديمية ابسطهالك - عمرو بزان"

هناك تعليق واحد:

  1. من أفضل المقالات على الإطلاق صراحة تستحق التعمق أكثر واكثر لقد سعدت بقراءة مقالك وانا فخور بك وبما تقدمه في مدونتك ف انت مثال للمدونات العربية التي تقدم محتوي مفيد
    مسك كلمات في جوجل
    مقابر للبيع بمحافظة القاهرة
    مقابر للبيع
    مقابر للبيع مدينة السلام
    تسويق عبر الفيديو
    افضل شركة سيو في مصر
    مدافن للبيع
    خبير سيو

    ردحذف

يتم التشغيل بواسطة Blogger.