محمد صلاح وتأثيرو على الاقتصاد المصرى
ياتري محمد صلاح بياثر في الاقتصاد المصري ولا هو مجرد لاعب مكسبه لنفسه وبس
اول تأثير جاي من زياده الاستهلاك او الطلب وبالتالي
زياده النمو الاقتصادي مصر فيها اكتر من مليون قهوه وكافيه بيشغلوا الماتشات المشفره بتاعه ليفربول والماتشات المهمه منها دوري الابطال وماتشات مصر في كاس العالم
كل القهاوي والكافيهات بتكون مليانه وبسبب الزحمه والفلوس بتاعتها بتتضاعف من خلال الماتش وبتزيد الاستهلاك للمشروبات بانواعها ومنتجات الفحم والدخان بتاع الشيشه يعني كميه كبيره من الشركات اللي بتدخل في سلاسل التوريد بتستفيد بشكل مباشر من الماتشات
فلنفترض ان متوسط الشخص الل بيتفرج علي الماتش بيدفع 25 ج مشاريب وطلبات
و سعه المكان اللى بيقعد فيه 50 شخص فاحنا كده بنتكلم في ايرادات 1250 خلال ماتش واحد طبعا
ده المتوسط يعني في كافيهات كبيره بتعمل ايرادات 20000ج وفي قهاوي مابتكملش 1000ج بالتالي لو استهدفت 4 مباريات فايرادات القهاوي 5000ج فى الشهر
يعني عندنا مليون قهوه وكافيه في 5000 بيساوي 5 مليار جنيه ف الشهر
طيب ال5 مليار اللي بيطلعوا من جيب الناس بياثروا ازاي في الاقتصاد المصري
انا اقولك بتزود الثروه والدخل القومي لمصر بتشغل الشركات وبيزيد العمال وتقل البطاله بتزيد انتاجيه الدوله بتستفيد من زياده الدخل الضريبي يعني لو مفيش محمد صلاح مكانش هيكون في خمسه مليار شهريا
محمد صلاح بيصب الملايين لمصر طبعا بالعمله الصعبه ده غير الدفع الشهري للأقارب والاهل والمعارف وبيتصدق بشكل شهري وبالتالي بيقلل من معدلات الفقر ده غير المدارس والمستشفيات ,
، الاقتصاديين وهما بيدوروا علي اسباب زياده مبيعات الشركات وقيمه البراند لما يتعاقدوا مع المشاهير
زي وزاره التضامن الاجتماعيجابت محمد صلاح عمل ليهم اعلان انت اقوي من المخدرات
بشكل تطوعي لبلده ده اثر بشكل كبير وايجابي علي الشباب المدمن والكتير منهم توقف عن الادمان ونسبه الاتصالات الكتير اللي اتضاعفت 4 مرات بعد اعلان محمد صلاح
وطبعا احنا عندنا 10 مليون مدمن بياثروا في الاقتصاد المصري بشكل سلبي من خلال خساير بمليارات الجنيهات بسبب ضياع الانتاجيه لان اكثر من 40 مليار سنويا بيتصرفوا علي المخدرات
محمد صلاح بياثر في السياحه وصوره مصر في الخارج يعني دلوقت محمد صلاح مش مجرد لاعب لنفسه لا ده ثروه قوميه ولازم البلد تحافظ عليه بشكل خاص ومعامله خاصه
ده تاثيره الاقتصادي بيمتد لكذا ركن في الاقتصاد المصري
" المخبر الاقتصادى"
" برنامج محاسبة مقاولات"
أضف تعليق