مساحة إعلانية 728×90

طريقة الاستثمار فى العقار


فى خلال المقال دا هاعرفك فكرة تستثمر بيها فلوسك ومضمونة بنسبة  80%  وهوا  الاستثمار فى العقار فى مصر عموما

نخش فى الموضوع على طول
فكرة الاستثمار فى العقار فى مصر مش منتشرة اوى مع ان المكاسب فيها بتوصل اضعاف فى وقت قليل

فيه نوعين  من الاستثمار فى العقار
النوع الاول
هوا انك تشترى شقة  مثلا  سنتين  او 3 سنين وبعد كدا تبيع الشقة وتكسب فيها  والاستثمار بالطريقه دى معتمد اساسى على معدل التضخم اللى بيزيد كل سنة بالشكل الطبيعى او غير طبيعى فى مصر  فى اخر 10 سنين




النوع الثانى
لو معاك مبلغ كويس وهيا انك تعمل الطبخة با ايدك انت انك تشترى ارض وتبنيها وتبدء تبيع الوحدات او تشترى ارض ودخل مقاول معاك بالنص

بس للأسف النهاردة مش هنتكلم على الطريقتين دول هنتكلم النهاردة على طريقة ذكية للاستثمار العقارى فى مصر محدش يعرفها اوي وغير منتشرة مع ان عائد الربح بتاعها عالى علشان كدا فيه مستثمرين من برا مصر بيشتغلو بيها وبيكسبو كويس جدا جدا

الفكرة بتشتغل لما يتوفر حاجتين اساسين
لما المقاول يكون فرد او كيان صغيير مش كبير ومش شركة ضخمة
ان العمارة والبرج السكنى يكون فى منطقة مزدحمة بالسكان الاحياء اللى داخل القاهرة 

الاستراتيجة ببساطة 
هيا الدخول فى مرحلة زمنية فى بناء العمارة علشان استفيد من المقاول ومن المشترى بعد كدا نلتهم المكسب بذكاء علشان نتنقل لمكان تانى بنفس الفكرة
طب ازاى
اقولك ازاى
المقاول وها بيحفر فى الارض فى المراحل الاولى لرمى الخرسانات والطلوع بالبرج هنا انا بدخل وبلعب على عوامل مادية ونفسية عند المقاول اللى هيا
ان المقاول محتاج يبيع بدرى علشان يقدر يكمل بنا ويقدر يستغل الفلوس فى شغل تانى
وكمان محتاج يبيع النهاردة قبل بكرا لانو مش عارف بكرة فيه ايه وخايف يحصل للسوق اى مشكلة  زى الركود مثلا فاعايز لو حصل ركود يكون اقل خسارة


انت فى اللحظة دى بتحوم على المقاول
























والعمارة اللى لسه بادئ يبنى فيها لكن صحصح كدا قبل ماتقرب لازم تاخد بالك من شوية حاجات كدا  ودى بنفذها على اى استثمار

عقارى فى اى مكان .

1- معاك المحامي الشاطر بتاعك مش تسترخص فى النقطة دى بالذات علشان ما تلبسش فى الحيط للتأكد من كافة الوسائل القانونية للعمارة  زى  ملكية الارض وهل عليها نزاع ولا لا ...... الخ

2- تتأكد من صحة عقد الشراكة لو العمارة فيها شركاة وفى الاغلب بيكون مالك الارض والمقاول والحقوق اللى بيضمنها ليا من تركيب مرافق عامة  ..... الخ

3- سمعة المقاول اسئل على المقاول وتشوف الشغل اللى عملو قبل كدا وتشوف رأى السكان فى العماير اللى بناها قبل كدا والمشاكل اللى قابلوها

4- تتأكد من التصاريح الحكومية اللازمة من تراخيص بناء وتركيب مرافق وغيرها

5- موقع العقار لازم تدرس موقع العقار كويس اوى  ياترى الشارع اللى هوا فيه كويس ولا السكان اللى فيه مش تمام فيه منشأت جمب العقار بتسبب ازعاج للسكان زى ورش الحدادة او مصانع لها اصوات عالي

6- الموقع لازم يكون استراتيجى يعنى تسئل نفسك كامشترى ليه هاشترى هنا تحديدا وايه اللى ممكن يمنعنى من الشراء  هنا

وبعد ماتاخد الضوء الاخضر على الحاجات اللى فاتت دى بتنزل زى الصقر على الضحية واللى هيا العمارة

بدخل على المقاول واشترى عدد شقق معين حسب راس المال اللى معايا  اعرف ناس بتخش تشترى نص العمارة
المهم بتختار الشقق اللى موقعها كويس زى من الدور التانى للثالث مثلا واللى الفيو بتاعها كويس
بعد ماتختار بتعرض الدفع كاش والمبلغ بالكامل والكاش فى البزنس ليه وزنة وهتشترى  عدد شقق مش شقه واحدة

الحاجات دى هتدينا قوة تفاوضية على السعر يعنى هاتقدر تشترى الشقة بسعر اوفر من اى حد تانى ممكن 50 الف جنية فى الشقة الواحدة

خلاص اشتريت والامور تمام والمقاول شغال فى بناء العمارة هتفضل الشقق معاك  لحد ما المقاول يخلص بنا العمارة وتشطيب المدخل وتشطيب الوجهه بتاعة البرج

او بمعنى بتصبر لحين ماتزين العروسة الوقت دا غالبا العمارة بتكون تقفلت والشقق تم بيعها  كلها ومفاطلش شقق غير الشقق بتاعتك بتعرف دا من كتر التليفونات اللى بتجيلك من مشتريين اللى بيتصلو اللى عايزين يشترو فى العمارة ومن السكان اللى بدئو يشطبو الشقق ويسكنو بالفعل

وفى اللحظة دى تبدء تبيع وربنا يباركلك

بس افتكرنا بحاجه حلوة كدا 😂
هنا انت اكسبت من النحيتين
الاول من فرق السعر لما اشتريت فى الاول بأقل من سعر السوق
الثانى - ان اى عمارة بتخلص تشطيب داخلى وخارجى ومداخل وكل حاجه سعرالشقة بتزيد غير لما تكون لسه على الطوب الاحمر





مثال بسيط
روحت للمقاول وهوا لسه بيحفر فى القواعد وقولتلو عايز اشترى شقة هايقولك سعر الشقة 250 الف جنية  مثلا ودا السعر اللى فى المنطقة عموما
هتقولو عايز اشترى 4 شقق بس السعر دا مش هاينفع
هتتفاوض معاه لحين ماتوصل للشقة با 210 الف وممكن تنزل اكتر من كدا كمان  وفى الغالب هايقولك السعر دا محدش يعرفو
كدا انت وفرت فى ال 4 شقق 160  الف عن سعرها الطبيعى
تصبر بقا لما العمار تتشطب وتجهز مرافق وداخلى وخارجى كل دا بيحصل فى المتوسط من 6 شهور ل سنة فى المتوسط وطبعا بتكون عارف الوقت اللى العمارة بتخلص فيه من العقود اللى بينكم

بعد ما العمارة خلصت واتجهزت سعر الشقة وصل ل 300 الف جنية وبدأت تبيع يبقا كدا طلعلك فى 4 شقق
160 الف وفرتهم فى التفاوض اللى تم فى البداية  + 200 الف جنية فى مرحلة البيع   يبقا 360 الف جنية
هوا العائد فى استثمار 840 الف جنية
يعنى بنتكلم فى ربح  43% عائد على الاستثمار

 فيه بنك هايديك  43%  مكسب فى سنة 😡😡

وبكدا اكون لخصت الحكاية كلها فى المقال دا







المصدر"  المخبر الاقتصادى

ليست هناك تعليقات

شكرا على الاهتمام

يتم التشغيل بواسطة Blogger.