مساحة إعلانية 728×90

الفرق بين شركات المقاولات والاستثمار العقارى


فيه ناس كتيير ماتعرفشى الفرق بين شركات المقاولات وشركات الاستثمار العقارى فى الموضوع دا هحاول اشرحلكو ببساطة ايه الفرق بين الشركتيين 


الاستثمار العقارى 
أولا هنتكلم عن الإستثمار بكل بساطة 




الإستثمار هو إنك تحول حاجة صغيرة لحاجة كبيرة مع الحفاظ على أصل الإستثمار 
على سبيل المثال
 لو عندك بذرة وبتزرعها هتطلعلك شجرة والشجرة بتطلعلك ثمار فبنقطف الثمار دى وتبيعها كدا إنت عملت عملية إستثمار لإنك حولت البذرة اللى هى الحاجة صغيرة الى ثمار حاجة كبيرة وفى نفس الوقت إنت حافظت على أصل الإستثمار 

الاساس فى الاستثمار  اولا الفكرة والمال فالإثنين متكاملين مع بعض  لو عندك فكرة ومحتاج للمال فتلجأ لحاجة إسمها الممول يخش معاك بنسبة من  الارباح او حسب الاتفاق اللى بينكم بس لو ممعكشى فكرة ومعاك المال مالوش لازمة 

الممول 
مين هوا الممول حد معاة فلوس بس مش عنده فكرة فبيعمل عقد شراكة مع المستثمر بنسبة معينة من الارباح واكيد قبل ما الممول يمول المشروع بيدرس المشروع الاول جيدا ويتأكد ان المشروع دا جيد ويتأكد  من دراسة الجدوى ومدى ربحية المشروع 
وفى امريكا لخصو موضوع الممول على موقع الالكترونى طب ازاى
اقولك ازاى انشئو موقع الالكترونى موجود عليه الممولين كلهم وكل واحد عنده فكرة مشروع يخش يعرض الفكرة على الموقع ودراسة الجدوى والارباح ويحاول يقنعهم بالفكرة بعد كدا تبدء الممولين تتواصل معاة لتنفيذ الفكرة دا طبعا بيسهل حاجات كتيير وبيخلى المشروع يبدء فى وقت اقل من المتوقع 

التمويل بيكون اقترحين حسب الاتفاق بيكون مشاركة فى الربح او قرض انك تعطى صاحب الفكرة مال لمدة معينة وفيه انواع من الممولين اللى يتحكم فى الادارة وفيه اللى يقولك ماليش دعوة اهم حاجه الربح 



ما هوا عمل مدير التمويل لدراسة الجدوى المالية للمشروع؟؟






1 -  دراسة مدة المشروع
2 -  مقدار رأس المال لتمويل المشروع وهل يحتاجة كلة أو على دفعات
3 -  متى يستعيد رأس ماله الموضوع فى المشروع
4 -  المخاطر المالية المحيطة بالمشروع
5 -  العائد والأرباح على رأس المال
وأفضل المشاريع هو مده  التنفيذ اقل والارباح اكثر 

شركات المقاولات 
 هنتكلم عن طبيعة العمل داخل شركة المقاولات 
 شركة المقاولات تعتبر شركة تشغيل للغير فشركة المقاولات بتبنى مبنى للغير مقابل أجر معين

الاستثمار العقاري بتبنى على( سبيل المثال عمارة  خاصه بيها وتشطبها وتقفلها وتبيعها هيا للغير )

 أطراف العمل داخل شركات المقاولات :
المقاول العام: هو المسند إليه لتنفيذ المشروع
مقاول الباطن: هو الذى يسند إليه المقاول العام بعض الاعمال
العميل : هو مالك المشروع
الإستشاري: يراقب على المشروع من قبل المدير

وبكدا اكون وضحة الفرق بينهم فى بساطة بدون تعمق اكثر فى الفرق بين شركات المقاولات والاستثمار العقارى 





هناك تعليق واحد:

يتم التشغيل بواسطة Blogger.