مساحة إعلانية 728×90

كيفية استلام حسابات منشأة اذا كان يوجد محاسب سابق ام لا






استلام وتسلم الحسابات  ازاي استلم حسابات و ازاي اسلمها🤔

سؤال جميل جدا

لان الاستلام الصح من البداية بيفرق معاك


واجراءات استلام وتسلم الحسابات  تتوقف على 👇

  •  توقيت استلام الحسابات "اول الفترة ولا آخر الفترة "
  •  وجود محاسب سابق و حسابات منتظمة أو لا
  •  وجود برنامج محاسبي أو شيتات اكسيل أو دفاتر




ما هى الاجراءات فى حالة وجود محاسب سابق 

مع فرض وجود محاسب سابق و حسابات منتظمة

هناك مرحلتين

مرحلة التجهيز للاستلام

  •  وهي فترة تدريبك واطلاعك على المهام وكيفية ادائها
  • حتى لو كنت ذو خبرة أطلع على طريقة عمل المحاسب السابق
  •  لو في وقت راجع على ما سبق مراجعة سريعة " في حالة الاستلام آخر أو خلال الفترة المالية "
  •  عايز تعرف اكتر في وقت قليل أطلع على الارشيف واقراه قراءة جرنال

مرحلة الاستلام 

  •  يتم استلام ميزان مراجعة بالأرصدة تاريخ الاستلام موقع كل ورقة من المحاسب السابق و لو امكن  +  المدير
  • يتم التأكد من صحة الأرصدة بمثل إجراءات إقفال السنة مثل
    إرسال مطابقات و مسابقات العملاء والموردين .
    و الجرد الفعلي المخزون " ان امكن " و الاصول .
    و مذكرة تسوية البنك " لو في اختلاف "من كشف حساب البنك .
  • يتم استلام نسخ أو أصول القوائم المالية السابقة و التأكد من مطابقة ارصدة اول الفترة لها و نسخ فواتير الأصول
  •  يتم المراجعة على اي رصيد حساب شاذ أو مبالغ فيه
  • اجراء اي قيود تسويات تخص فترة المحاسب السابق و التوقيع عليه من المحاسب و المدير
  • طلب استيضاح رسمي أو تقرير من المحاسب السابق على اي ملحوظات لا يمكن تسويتها
  • بيان بالعهد الخاصة بالمحاسب و بيان استلام و تسلم بها

ما هى الاجراءات فى حالة عدم وجود محاسب سابق 

  • لازم توضح ان مسؤليتك تبدأ من تاريخ استلامك
  • هتعمل نفس إجراءات الجرد و المطابقات للارصدة ان وجدت
  •  تعمل ميزان افتتاحي للبدء بالتسجيل النظامي و توقعه من المسؤول

التفاصيل 👈راجع بوست "انشاء حسابات منتظمة "




https://www.5brat-m7asb.com/2020/03/Create-Accounts.html

ما هى الاجراءات فى حالة تسليم الحسابات

ببساطة تعكس الخطوات السابقة و تحتفظ بصورة من ميزان ان امكن او تاخد خطاب إخلاء طرف من الشركة بعد التسليم

ملحوظات 🌹🌹🌹🌹

  • مسؤليتك تبدأ من تاريخ استلامك
  • كن حريص على نفسك و لا تقبل بتحمل خطأ غيرك
  • شيتات الاكسيل و الدفاتر المستلمة يتم الاحتفاظ بنسخ منها كمرجع قبل العمل عليها
  • عهد المحاسب تشمل الدفاتر وسريلاتها ان وجدت لديه عهدة دفاتر والارشيف الورقي
  •  استلم صح وبطريقة مهنية عشان تكمل صح
  • خد وقتك و افهم مهامك جيدا و راجع قبل الاستلام
  •  في مرحلة الاستلام خطط و نظم لنفسك طريقة شغلك بعد الاستلام "اسبق بخطوة "
  • على المستوى الاخلاقي احترم من يسلمك مهما كانت ظروفه ودوافعه لترك العمل
  •  لو انت اللي بتسلم كن واضح مع من يستلم و لا تبخل عليه بايضاح او معلومة 
  •  يا سلام وانت بتسلم تكمل جميلك و تنصح زميلك الجديد عن تجنب الأخطاء الإدارية و المهنية اللي ممكن يتعرض لها في المكان ❤

العمل امانة و اترك اثر جيد في التسليم و انت ماشي وَمَنْ يَتَّقِ اللهَ يَجْعَلْ لَهُ مَخْرَجاً 🌹









المصدر " صنايعى حسابات - فتيح محمد "


تناولنا ايضا فى موضوعات منفصلة 







ليست هناك تعليقات

يتم التشغيل بواسطة Blogger.