مساحة إعلانية 728×90

معلومات محاسبية - Accounting information




من اهم الأسئله اللي بتكون ف الانترفيو 😅

 الاهلاك 

و ايه تأثيره علي قائمتي الدخل و المركز المالي و كمان قائمه التدفقات النقديه 🙄🙄

ما هو الاهلاك🤔🤔




هو استخدام للأصل علي مدار فترته الانتاجيه او هو توزيع تكلفه الاصل لمصروف اهلاك و يتم تحميله علي قائمه الدخل علي مدار فتره عمره او النقص التدريجي ف قيمه الاصل

طب ايه اللي يخليني اعمل اصلا اهلاك🤔🤔

لان الاصول الثابته (اللي هي سيارات مباني معدات الات) زي ما قولنا ف تعريفه انه استخدام اللي بيؤدي لتعطل الاصل او لتقادمه بالنسبه للزمن . 

طب انا كمحاسب مش بتعامل علي اساس عمر الاصل اللي بيوصل سنين انا ليا سنه ماليه ماشي عليها 

 بسيطه دي ليها طرق حساب هوضحهالك

هما 4 طرق دول اكثرهم استخداما 😁😁

1️⃣طريقه القسط الثابت🤔 :

اكثر الطرق ف استخدامهم و ابسطهم و بتكون كالتالي الاهلاك  = ( تكلفه الاصل – القيمه التخريديه ) / العمر الانتاجي
القيمه التخريديه :  هي قيمه الاصل لو بعته بعد انتهاء عمره الانتاجي . 

2️⃣طريقه القسط المتناقص🤔 :

و دي بنوزع فيها قيمه الاصل علي سنوات عمره الانتاجي بشكل متناقص من اسمه يعني و طبعا السنين الاولي بتكون اهلاكها اكبر فبتتحمل عبء اكبر من السنين الاخيره.

الاهلاك للسنه الاولي = ( تكلفه الاصل * نسبه الاهلاك السنوي )

نسبه الاهلاك السنوي  = (1 / العمر الانتاجي * 100) * 2

طب و السنين اللي بعد كده

السنه التانيه بطرح مصروف الاهلاك اللي هو الناتج من قيمه الاصل التاريخيه بيطلع رقم بتعامل معاه علي انه التكلفه و هكذا كل سنه بنقص قيمه مصروف الاهلاك من التكلفه التاريخيه اللي عندي .




عرفنا ازاي نحسبه طب ايه بقي تأثيره علي قوائمي هعمل ايه بالارقام دي 🙄🙄
بص يا سيدي😀

🔸قائمه الدخل :

احنا قولنا انه مصروف اهلاك يعني بيكون ف المصروفات

🔹طب و الميزانيه :

هخفض تكلفه الاصل سنويا اللي موجوده عندي ف الاصول بقيمه الاهلاك اللي حسبته باي طريقه منهم

◾طب و قائمه التدفقات النقديه :

الاهلاك بيظهر ف الجزء التشغيلي بس بتكون بالموجب ليه لانها مصروف غير نقدي (يعني اتخصم من الايرادات بس انا فعليا نقديتي مقلتش لاني اصلا مدفعتش حاجه )

بس كده هو ده الاهلاك

⬅️🚫🚫و اخيرا الارض ليس لها اهلاك 🤗😀



المصدر " Community of Accountants "

وقد تناولنا فى موضوعات منفصلة 




ليست هناك تعليقات

يتم التشغيل بواسطة Blogger.