مساحة إعلانية 728×90

كيفية تحميل التكاليف غير المباشرة - محاسبة تكاليف






نذكركم باختصار باننا قمنا من قبل بحصر عناصر التكلفة تفصيليا ونذكركم انها كانت المواد بمشتملاتها وتفاصيلها والاجور بتفاصيلها والمصروفات بتفاصيلها..

كيفية تحميل التكاليف غير المباشرة - محاسبة تكاليف


كما قمنا بتحليل كل بند منها الي انتاجي او تسويقي او اداري وتمويلي وكذلك الي مباشر او غير مباشر وكذلك الي متغير او ثابت.

.ثم بدانا في تحميل المباشر علي المنتجات او اوامر الانتاج...ثم توجهنا لكل بند من الغير مباشر وحملناه علي المراكز التي تسببت فيه 

وسمينا ذلك تخصيص حيث خصص كل عنصر علي المركز الذي تسبب فيه.

.ثم وجدنا عناصر لاتخص مركز معين او تخص عدة مراكز او عناصر عامة فيتم تقسيمها بين المراكز المستفيدة منها باساس مناسب او عادل..

.نستطيع الان تجميع تكاليف كل مركز علي حدة فنجد انها تتكون من جزء بالتخصيص وجزء بالتقسيم..

..فاذا فرضنا ان لدينا مركزين انتاج وثلاث مراكز للخدمات وان مجموع التكاليف غير المباشرة في كل مركز منهم سواء 

بالتخصيص او بالتوزيع كان كالتالي :



10000في مركز الانتاج الاول
20000 في مركز الانتاج التاني
30000 في مركز الخدمات الاول
45000 في الخدمات التاني
25000 في الخدمات التالت.

فان الخطوة التالية هي تحميل تكاليف مراكز الخدمات علي المراكز التي استفادت منها..


وهنا عدة طرق للتحميل منها طريقتان تحملا تكاليف مراكز الخدمات علي مراكز الانتاج فقط.

وطريقتان تحملا تلك التكاليف علي مراكز الانتاج والخدمات المستفيدة معا.

ولكل منهم منطقه ومزاياه وعيوبه.


لذلك سنشرح كل طريقة منهم مع تبسيطها...مطلوب من حضرتك تبقي عارف تفصيلا احنا عملنا ايه قبل كده واحنا فين حالا وايه اللي جاي بعد كده.


طرق تحميل التكاليف غير المباشرة:

1- الطريقة الاجمالية:

في هذه الطريقة يتم تجميع تكاليف مراكز الخدمات في رقم واحد ويتم توزيعها علي مراكز الانتاج فقط علي اساس مناسب.

ففي المثال السابق يكون مجموع تكاليف مراكز الخدمات 100000 يتم توزيعها علي مراكز الانتاج باساس معين 

وليكن عدد ساعات دوران الالات في كل مركز وبفرض ان الساعات كانت 30000 ساعة في الاول و 20000 ساعة في التاني فانه يتم تقسيم التكاليف عليهما بهذه النسبة 

فيحمل مركز الانتاج الاول بمبلغ 60000 جنيه والثاني بمبلغ 40000 جنيه.

خلي بالك ده نصيب كل مركز انتاج من تكاليف مراكز الخدمات 

ومتنساش ان كل مركز انتاج كان فيه نصيبه من التكاليف غير المباشرة اصلا بالتخصيص او التقسيم.


يعني حالا مركز الانتاج الاول كان فيه 10000 واتحمل 60000 يبقي مجموعه 70000 

ومركز الانتاج التاني كان فيه 20000 واتحمل 40000 يبقي مجموعه 60000.

كده جمعنا كل الغير مباشر في مراكز الانتاج 


ولسه الموضوع منتهاش لاننا عاوزين نحمل ده علي وحدات الانتاج.


لكن هنقف هنا عشان نوصل لنفس النقطه في طرق التحميل الاخري وبعدين نكمل. بالاضافة لاننا عاوزين نشوف مزايا وعيوب الطريقة دي بالفهم والمنطق مش هنحفظ حاجة

هتلاقي الطريقة دي سهلة في الحساب لانك جمعت كل تكاليف مراكز الخدمات في رقم واحد وقسمته بنسبه معينه.

....ولكن ركز معايا..احنا اعتبرنا ان المستفيد من مراكز الخدمات هي مراكز الانتاج فقط

 في حين ان ممكن بل غالبا مراكز الخدمات بتخدم بعضها فمفروض التكلفة تتقسم علي مراكز الانتاج ومراكز الخدمات

كمان جمعنا تكاليف مراكز خدمات متنوعه منها مثلا شئون عاملين علي صيانه علي قوي محركة وقسمناها باساس معين 

وليكن ساعات دوران الالات وهلاقي منها مراكز ملهاش اي علاقة بساعات الدوران

يبقي كاني قسمت تكاليفها باساس غير عادل كاني هزود تكالف مركز علي حساب التاني وبالتالي تكاليف منتج علي حساب التاني .

كمان فيه عيوب تانيه بس للاختصار هنكتفي بانها طريقة معيبة ولا تحقق هدف التحميل بدقة....وهنكمل طرق التحميل بعد كده وخليكو فاكرين التفاصيل.





وتناولنا فى موضوعات منفصلة " تحميل كتاب تكاليف الاقتراض مجانا - دورة محاسبة تكاليف من الصفر الى الاحتراف "




المصدر " محاسبين ومحاسبة "



ليست هناك تعليقات

يتم التشغيل بواسطة Blogger.