مساحة إعلانية 728×90

جمل ممنوع تقولها لاى عميل غاضب


هنتكلم فى مقال النهاردة عن الجمل اللى من المفترض انها تمتص غضب العميل ولكنها تقوم بالعكس تمام  ابتعد عنها 





10 جمل ممنوع تقولهم لاى عميل غاضب لانها كفيلة انها ترفع درجة غضب العميل 80% وهيا جمل حاول على قدر المستطاع تبتعد عنها  وحاول تفتكر ان معظم العملاء مابشتكوش ودى قلة فا حاول تتعامل مع القلة با احتراف 

1- انت الوحيد اللى بتشتكى :- 

دى اسوء جملة ممكن تستفذ العميل انا الوحيد اللى بشتكى تمام فين حل المشكلة انا ذنبى ايه 
دا العميل بيعتبرانك مش ناوى تحل المشكلة  وبتحط اسباب ان العميل غلط ودا  بيعتبرو ان رائ العميل مالوش اهمية لانة هوا الوحيد اللى بيشتكى    المفروض تشكرو انو بيشتكى لك بدل مايخش على السوشال ميديا او يكلم صحابو ويعملك سمعة مش كويسة 

2- اهدا لو سمحت :- 

هتقولو اهدا لو سمحت هايقولك انا هادى وهاينفعل اكتر 

3- واطى صوتك  :-  

هاينفعل اكتر ويقولك انا صوتى كدا انا صوتى مش عالى وهايعلى صوتو اكتر فا رجاء بلاش الجمل دى لو فى حياتك الشخصية بتتعامل مع صحابك او اى حد 
دى زى نظام هتضغط على الزرار دا وعارف ان فيه حاجه هتحصل ابعد عن الزرار دا لما يكون العميل بيشتكى 

هايبدء ينفعل ويغلط فى الشركة او فى المؤسسة ويقول انتو شركة مش محترمة وانتو شركة كذا يبدء خدمة العملاء يرد عليه يقولو 
4- اتكلم باحترام  :- 

دى غلطة حولت الموضوع الى شخص العميل يبت المشكلة وبدأت تتكلم مع العميل بتجاوز " اتكلم باحترام " يعنى انا مش محترم احتما كبير تلاقى الرد انو بيشتم شخصيا اللى بيتكلم معاه ودا تفاعل مبرر لان احنا بنستفز العملاء بالجمل دى ما ينفعش تقولو اتكلم باحترام 
طب نعمل ايه 
لما العميل يكون منفعل لازم تتعاطف معاه ولازم تتفهم نفعالو متقولوش اهدا حضرتك  قولو انا اقدر اساعدك ازاى ولما يقولك اى حاجه يحكيلك المشكلة لازم تقولو فعلا حضرتك معاك حق تنفعل , انا مقدر موقف حضرتك جدا , انا لو مكانك كان ممكن اكون منفعل اكتر من كدا وانا هاحل لك المشكلة واعتبرالموضوع  منتهى كدا خلاص العميل بدء يهدا 

طب افترضنا اننا ماوصلناش لحل وقال انا كدا مش هتعامل معاكو تانى تقوم ترد عليه تقولو 

5- الرزق مابيقفش على حد ( ربنا اللى بيرزقنا )

هوا الكلام حق بس اخد با الاسباب لو هتبصلها بمنظور دينى مش فى الموقف دا انت كدا قاصد تستفز العميل اكتر انت كدا بتقولو انك مالكش قيمة هايبدء يقول انا هاقول لا صحابى والسوشال ميديا هاترد عليو تقولو 

6- اعلى ما فى خيلك اركبو 

جملة مستفذة جدا يعنى ورينى هاتعمل ايوة مش هاتقدر تعمل حاجه وفى الاخر اللى احان عايزينو هوا اللى هايمشى استفزاز ونبدء ندخل فى تحدى فا مينفعش العلاقة توصل لكدا المفروض من البداية تمتص غضب العميل لان العميل لو بدء يخش على الفيس بوك او يكلم صحابو انت اللى خسران مش هوا هوا ممكن يجيب المنتج من اى حد تانى هتا لو العميل هوا اللى غلطان وهاتحط العميل فى موقف انتقام احيانا العميل يقول مش عايز احل المشكلة ونخش انت ماتعرفشى انا مين لا انت اللى متعرفشى احنا اللى مين 

الكلام دا محصلش تعالى نعمل بقا المواجهة بينك وبين اللى كلمك  
7- حقك وحقى 

وتعالى نحقك دا مهين جدا ماينفعش تحط العميل فى الموقف دا العميل لازم تريحو العميل هايبالغ فى اللى ليه وهايقلل فى اللى عليه دا الطبيعى ولما يجى حد فى السوشال ميديا ويكتب هايكتب اللى فى صفو 
فايقوم حد من الشركة رادد علية بجملة مستفزة جدا 

8- العميل دا كداب  





اوع تقع فى الغلطة دى ع السوشال ميديا لان الموضوع هنا بيصدقو العميل وبيكدبو الشركة وخد بالك دول عملاء محتملين وممكن تلاقى واحد يقول الحمد لله كنت ناوى اتعامل مع الشركة دى بس الحمد لله ان المشكلة دى حصلت وبردو خرجنا برا نطاق حل المشكلة 
علشان خاطر سمعتك حاول تحل المشكلة من الاول لو حليت المشكلة هتكون بجميلة انما لو عملتها بعد المشكلة هايقولو لولا الضغط على الشركة ماكنتش عملتها فيما معناه انها شركة وحشة بلاش ندخل معاه العميل فى تحدى بلاش تحلل موقف العميل " اصل العميل قليل الادب اصل العميل كذا ماتبررش لنفسك موقف غلط من البداية " لو حللت الموقف هتلاقى نفسك انت اللى غلطان انت اللى استفزيتو عملت حاجة من الجمل اللى احنا اتكلمنا عليها دى 

ومن الجمل بردو المستفزة 
9- هنرجع للمصنع نشوف ردو ايه

انا مالى انا اشتريت من المصنع ولا منك انت لو متعرفش قانون حماية المستهلك الجديد احب اعرفك ان قانون حماية المستهلك ينص ان العميل من حقو يرجع المنتج فى خلال 14 يوم بدون ابداء اى اسباب  يعنى يجى يقولك مش عجبانى او اشتريت الجزمة دى وخرجت بيها مشوار والناس قالولى شكلها مش حلو وبعد مايكون لبسها او استعملها دا كلو من حقو السياية المتواجدة فى الوطن العربى دا لازم تتغير انت بتبنى سمعة واسم فى السوق ولو حاجه حصلت زى كدا لازم تعتذر وتقول احنا غطنا نأسف ليك ومش هتكرر تانى 

فى الفترة اللى فاتت بنقول شوف السوريين نجحو ازاى فى مصر هما مش نجحو هما كشفواخطائنا لما تيجى تحلل سبب نجحهم فى مصر تلاقى اهمهم طريقه تعاملهم مع العملاء اهمهم انهم بيبتسمو بيقولو كلام ظريف دمو خفيف مابتحدوش العميل تخش المحل يقعد يعزم عليك ويدوق اكل وشوف دى واية رأيك فى دى ومش مهم تشترى خالص كفاية انك دخلت عندى دا فعلا البيع الصحيح المتعارف عليه فى العالم كلو تخش هنا فى مصر يقولك 

10 - ناوى تشترى ولا هتتعبنى وتمشى 

الجملة دى فى حد ذاتة جريمة اى حد كان ناوى يشترى هاسمع الجملة دى مش هايشترى وللأسف العملاء فى مصر علشان مش عارفيين حقوقهم متعودين يسمعو الكلام دا ومتعودين على تجاوزات البائعين لان كل الشركات مش واخدة باله من حقوق عملائها تأكد لو انت مراعى حقوق عملائك تأكد ان دى هتكون ميزة تنافسية ليك وهتكسب اكتر 


مقالات قد تفيدك
برنامج محاسبة مقاولات 

ضريبة القيمة المضافه ومعالجتها محاسبيا 
اعداد المستخلصات خطوة بخطوة 
ارشفة المستندات بشكل علمى 
















ليست هناك تعليقات

يتم التشغيل بواسطة Blogger.