> اوعى الغلطات دى فى الانتر فيو ؟؟؟ - مدونة خبرات محاسب

مساحة إعلانية 728×90

اوعى الغلطات دى فى الانتر فيو ؟؟؟



هقولك على 11 غلطه ممكن تكون سبب انك ماتعديش مرحله مقابله  العمل 

    1- معلش متوتر شويه بس ؟؟ 

اجيبلك من الاخر كدا مفيش شركة هتهتم بتعين واحد مش واثق فى نفسه حتا لو كنت متوتر اعمل نفسك انك واثق فى نفسك ومش 
فارقه معاك الشغلانة , بس ماتأفورش علشان ماتتفضحش ويقوللوك سيب رقم تليفونك ونتصل بيك والكلام اللى اغلب الناس عارفاه   

    2- هتدونى كام  !!



لو اتكلمت فى الفلوس بدرى هتدى انطباع انك جاى تشتغل علشان الفلوس بس وهايحسو انك مش مهتم بالشغل وبتطوير الشغل وكدا
ودى حاجه مش كويسه خلى الكلام على الفلوس دا اخر حاجه  لما يقولولك تتوقع مرتبك كام من هنا تبدء سباق ال 100 متر حر
    

3- نقطه ضعفى انى بشتغل كتيير اوى  !!

ما تتطوعشى وتقول نقطتى ضعفى انت مبسوط من نقطه ضعفك بتتفشخر بيها  لو حد سئلك اتلكم وفكر كويس قبل ماتجاوب واعترف بعيوبك الحقيقيه بلاش  الموضوع "اصلا انا نقطه ضعفى انى طيب شويه وبثق فى الناس بسرعه 

4- انا فعلا محتاج الشغل دا بجد   !! 



ايه اللى انت بتقولو دا طب يحنن يابنى انت   رايح تشتغل مش تشحت والشركة بتبقى محتاجه ناس عايزة تشتغل وتطور ومظهر ولبق فى التعامل مع العملاء مش مجرد مصدر يجيب منو فلوس بس ركز فى كلامك مش اى  كلام يتقال وخلاص

5- بصراحه شغلى / مديري زى الزفت   !! 

تفتكر ممكن تسيب اى انطباع ايجابى يخليهم يقتنعو بيك  لما تشتم فى مديرك او شغلك السابق ؟؟؟

6- انا عايز    !!


ماتتكلمشى كتيير فى انت عايز ايه .... حاول تتكلم فى انك اد ايه هتنفع الشركة ويستفادو منك ازاى من الاخر  "ماتقولشى  ايه ادتنا مصر قول هندى ايه لمصر "
 اسمع الاغنيه وانت بتقر المقال كدا علشان نفسك تتفتح على الشغل كدا 
ماتقولشى ايه اديتنا مصر قول هندى ايه لمصر 

7- لا مؤخذه بس هوا الانتر فيو هيخلص امتى ؟؟

ماتديش انطباع للى اقدامك بأنك مستعجل   وعايز تمشى الانتر فيو ممكن يكون متحدد ليه نص ساعه بس تكون الدنيا ماشية زى السكينه فى الطحينه فايكمل معاك لساعه وهوا مبسوط بيك  ممكن ساعتها يقولك اتفضل بس اتأكد انك مش هتسيبه وهوا مبسوط منك  

8- فؤاد بتاع البوفيه شغال هنا بردو  ؟؟

  
"بيقولو بيعمل نسكافيه ايه حكايه"   اكيد مش هاينبهر بيك علشان انت حابب الشركة علشان خاطر فؤاد بتاع البوفيه انا بقولكو كدا علشان الاسئله حصلت بالفعل 

9- ممكن ماجاوبش على السؤال دا   ؟؟

طول ما السؤال طبيعى وفى اطار الشغل جاوب على السؤال مش دا الوقت اللى تلعب فيه بورقه " الشاب الغامض "

10- هوا انا ليا كام يوم اجازة فى الشهر اجازة ممكن اغيبهم    ؟؟ 

محيرنى فعلا السؤال دا ليه بتسئل السؤال دا وكدا كدا هتعرفو لوحدك لو قبلت فى الشغل وبتسئل عن الايام اللى هاتقعد فيها فى البيت وقبضك شغال من اول يوم شغل 


11-  لا والله ماعنديش اسئله  , انتو ناس زى الفل     ؟؟ 

لما يقولك عندك اسئلة اسأل ومتتكسيفش , لازم تكون عندك سؤال او اتنين مظبطهم قبل ماتيجى تسئلهم فى اخر الانتر فيو حسسهم انك مهتم جدا بالشغل وعايز تعرف تفاصيل اكتر 



فيديو قبل ماتروح انتر فيو اسمعو هايفيدك اوى



لوقبلتك نصايح مفيدة فى الانتر فيو ممكن تشركها فى الكومنتات اللى تحت


مقالات الاكثر مشاهدة 

انت كا محاسب كيف تعمل من المنزل براتب من 6000 الى 10000 شهرى  


يتم التشغيل بواسطة Blogger.