اهم النصائح لتكون محاسب بعد التخرج وتكون مطلوب لسوق العمل
ملخص " الشغل بعد التخرج " .. !
عشان تضمن إنك مطلوب لسوق العمل من وأنت لسه طالب .. وتكون محاسب أي شركة تتمني وجودك فيها ..
افهم محاسبة صح
شغل حفظ القيود و الكلمتين اللي بيتلموا ليلة الإمتحان و الجو دا مش هايوصلك لأي حاجة من الأخر غير انك جبت تقدير في الكلية و اتخرجت قعدت زيك زي ناس كتير خريجين حكومي و خاص .
من مميزات المحاسب
الكفء انه يكون فاهم ضرائب كويس جدا مش مجرد حاجة درستها نظري فقط .. ؟!
لازم تكون مدرك التطبيق العملي كمان و أهم الضرائب زي ( ضريبة القيمة المضافة ، ضريبة الأرباح التجارية و الصناعية ، ضريبة كسب العمل ، التأمينات الأجتماعية ، الاقرارات الضريبية )
من أهم ما يؤهل المحاسب و يميزه عن غيره شغلك علي البرامج المحاسبية
اللي فيه منها الجاهزة و اللي غالبا مش هاتفيدك أوي لانها معظمها هري وحاجات كتير مش محتاجها او مستخدم لها في الشغل .. وحتي لو الشركة شغالة بالنظام دا في أي انترفيو هتلاقيه بيسألك في الأكسل .. ( مش الأكسل اللي في دورة ICDL ) بالمفهوم .
ولكن الأكسل بالشكل المحاسبي من حيث التعامل مع المعادلات والدالات المختلفة وصياغتها زي Sum , IF , Sumif , VLookup, وغيرها معادلات كتير هتسهل شغلك .
و هتتعامل بيها في المحاسبة بشكل إلكتروني .. مش كدة وبس كمان لازم تكون فاهم التصميم المحاسبي علي البرنامج من يومية أمريكية و أستاذ عام و أستاذ مساعد أصول وخصوم و عملاء و موردين و تحليلي مصروفات وإيرادات و إنتهاءاً بالقوائم المالية وكمان طرق تحليل البيانات و عرض التقارير .
أضف تعليق